Eth sector dera Ostalaria d'Aran, optimista de cara ara campanha de Nadau

Eth 2020 passarà ara istòria com un an nere entà toti, e en airau economic, un an ben nere entath sector dera ostalaria. 

Era Val d’Aran ei, damb ua nauta probabilitat, un des parçans mès afectadi, pr’amor que lèu eth 90% dera arriquesa que produsís ven directaments deth torisme e deth sector servicis.

Totun, eth sector d’Ostalaria aranés vò èster optimista a pògui dies de començar era campanha de Nadau, era mès atipica que s’arrebrembe...

De moment, d’ençà er inici dera desescalada, eth 23 de noveme, 3 de cada 10 bars e restaurants dera Val d’Aran demoren encara barradi pera motius d’inviabilitat deth negòci e non an previst de daurir enquia que s’acaben es restriccions de mobilitat. 

Enguan, eth Pònt dera Puríssima, clau en toti es iuèrn tà Aran, dejà ei perdut.