Eth risc de rebròt en Aran descen en tot aluenhar-se dera barrèra des 1.000 punts

Hège mès d’un mes qu’era Val d’Aran non enregistraue un risc de rebròt per dejós des 1.000 punts. Aué, totun ac a artenhut. 

Eth parçan s’a desvelhat damb ua actualizacion positiva, eth risc de rebròt, que mesure eth creishement potenciau dera pandèmia, a baishat enquias 770 punts, quan era setmana passada era chifra ère de 1.500.

Es naui contagis contunhen en tot descéner, e aué se n’an notificadi 6 de naui, en tot trincar damb era mejana des 10 ath dia.

Tot e es donades, es servicis sanitaris aranesi demanen precaucion e arrebremben qu’era varianta britanica ei encara fòrça presenta en parçan.

Molt mès important pr’amor qu’es darrères notícies deth departament de Salut dera generalitat de Catalonha informèren qu’ath torn deth 92% des naui contagis en Aran èren restacadi damb era varianta britanica. 

Actuauments, i a 6 persones ingressades ena planta COVID-19 der Espitau Val d’Aran.