Eth restaurant Mont-Bar de Barcelona, de proprietaris aranesi, recep ua estrelha Michelin
24/11/2022
Lèu 10 ans dempús dera sua dubertura, aguest restaurant d'arraïtzes araneses a arrecebut ua estrelha ena gala de liurament des estrelhes dera Guida Michelin 2023
Eth restaurant ei liderat des de 2020 peth chef Fran Agudo, que hè uns dies sigueren nomentat Codinèr 2022 en Fòrum Gastronomic Barcelona e peth sòn proprietari d'origina aranesa, Iván Castro.
Iván Castro regente eth Mont Bar damb esperit e manères de restaurant gastronomic. Era sua aufèrta s'arrevire en tapes e petiti plats de çò que diden codina tradicionau d'avantgarda qu'ara avalen Fran Agudo e Jaume Marambio.
Castro proven d'ua familha de restauradors de Vielha, ena Val de Aran, e eth sòn pragmatic temperament li a tostemp hèt veir eth sòn gastrobar coma ua enterpresa, mès enlà deth romanticisme en plat. "Ei un negòci que neishec entà èster rendable, encara ac ei e ac a de seguir en tot èster", anòte aguest solvent empresari, qu'ei tanben un trabalhador incansable.
Manu Moga