Eth POUM de Naut Aran prevé un creishement d'ues 200 cellules

Pendent eth darrèr Plen Extraordinari der Ajuntament de Naut Aran celebrat aguest maitin, s’a aprovat er auanç deth Plan d’Ordenacion Urbanistica Municipau (POUM). Damb aguesta aprobacion dejà se pòden demanar es informes prèvis ar Organisme de Tramit Ambientau e a Territòri e Sostenibilitat entara sua aprobacion iniciau.

Eth POUM contemple un creishement d’ues 200 cellules, aguesta ampliacion se centrarà, sustot, enes pòbles de Salardú e Arties.

Aguest Plan tanben prevé era ampliacion deth casc urban des pòbles entà auer era possibilitat de bastir abitatges de proteccion oficiau e zònes d’equipaments.

Entre es projèctes mès restacadi se trapen un parcatge entà 200 veïculs en Salardú e ua grana zòna d’equipaments entà poder bastir en un futur ua residéncia geriatrica en municipi.

Eth pròpi consistòri anime as vesins e vesies de Naut Aran a apropar-se ar Ajuntament entà conéisher mès detalhs d’aguest projècte, hèr prepauses e dar era sua opinion ath respècte.