Eth Portilhon pòrte ja 7 mesi barrat pes autoritats franceses

Era preocupacion peth barrament deth Portilhon peth govèrn francès aumente fòrça en Bossòst e en parçan deth Baish Aran, pr'amor qu'en plea tempsada nauta de torisme, es donades de visitaires francesi en territòri a amendrit fòrça.

Es autoritats politiques deth país vesin barrèren aguest pas transtermierèr en gèr, pr'amor d'una alarma terrorista. Des d'alavetz, autant er Ajuntament de Bossòst coma eth Conselh Generau d'Aran an sajat de parlar damb es desparièrs administracions politiques espanhòles e franceses entà procedir ara sua dubertura.

Eth darrèr pas ei er enviament d'ua carta ath Secretari d'Estat de Seguretat espanhòu, Rafael Pérez Ruiz entà qu'intervengue en aguesta negociacion.

Aguest barrament afècte greument ara economia deth Baish Aran, pr'amor que viu e trabalhe, ena sua màger part, deth torisme francès.