Eth Pòrt deth Portilhon torne a èster dubèrt ath transit a compdar d'aué, 1 de hereuèr

Eth govèrn francés a tornat a daurir era termièra damb Espanha, pera Val d'Aran, en Pòrt deth Portilhon.


A compdar d'aué, 1 de hereuèr, es veïculs transiten liurement pera N-141 deth cant aranés, e pera D918 deth cant francés.


Ua grana noticia que favorís era mobilitat entre ambdús territòris e que milhorarà era economia, pr'amor qu'es pòbles deth Baish Aran viuen lèu exclusivament deth toriste francés.


Es institucions araneses portauen fòrça mesi en tot reclamar ath govèrn francés era sua dubertura. Rebrembam qu'eth pòrt siguec barrat eth passat 7 de gèr pes autoritats franceses coma mesura de prevencion per alèrta terrorista.