AUE TV
    1. AUE TV

    Eth plen der Ajuntament de Vielha e Mijaran apròve eth pressupòst municipau de 2022, avalorat en 6.950.959,96€

    07/12/2021

    Tanben s’a aprovat damb es vòts a favor d’Unitat d’Aran e Convergéncia Aranesa, e eth vòt en contra d’Aran-Amassa, era mocion de supòrt ara candidatura des Jòcs Olimpics d’Iuèrn Pirinèus-Barcelona 2030

    Pendent era session ordinària celebrada aguest maitin, eth plen der Ajuntament de Vielha e Mijaran a aprovat iniciaument eth pressupòst municipau de 2022, avalorat en 6.950.959,96€, çò que supause un 13,91% mès anaut en relacion as compdes de 2021. Era partida mès importanta ei era de 543.868,52€ corresponenta ath projècte urbanistic previst en airau de Còto Março.


    Aguest pressupòst a gessut endeuant damb es vòts d’Unitat d’Aran, e a compdat damb era abstencion de Convergéncia Aranesa e eth vòt en contra d’Aran-Amassa.


    Pendent eth plen tanben s’a aprovat era mocion de supòrt ara candidatura des Jòcs Olimpics d’Iuèrn Pirinèus-Barcelona 2030, qu’a compdat damb es vòts a favor des grups d’Unitat d’Aran e Convergéncia Aranesa, mentre qu’Aran-Amassa a votat en contra.


    D’aute biais, toti es grups municipaus an aprovat era mocion entà crear ua partida pressupostària entà ajudar economicament as estudiants matriculadi dehòra dera Val d’Aran en cors 2021-22, en tot ajudar as familhes en uns moments fòrça complicada a conseqüéncia dera pandémia pera COVID-19.


    HÒNT: AJUNTAMENT VIELHA E MIJARAN
    Manu Moga
    Tornar