Eth plen der Ajuntament de Les apròve iniciaument eth pressupòst d'enguan

En plen s'a aprovat autant eth pressupòst iniciau tà 2022 d’aguest consistòri, per un impòrt de mès d'1'7 milions, coma era prumèra modificacion de crèdit de mès de 520.000 euròs. Un totau de mès de 2.220.000eur.

Entre d'autes, en destaquen es inversions en renauiment e bastiment d’infraestructures publiques e carrèrs, era melhora deth servici d'aigua damb era ampliacion deth dipòsit dera Cauvèra, era reabilitacion deth Castèth de Pijauert, o era dusau fasa de melhora dera naua pista poliesportiva.

Atau madeish, tanben s'a aprovat eth convèni de gestion forestau damb eth Conselh Generau d'Aran, damb eth vòt a favor d'Unitat d'Aran e eth vòt en contra d'Aran Amassa, tà desvolupar ua gestion sostenibla des bòsqui qu'ajude ara descarbonizacion, e qu'ei clau tà soenhar er entorn e esvitar possibles huecs de 6aua generacion, ath viatge que s'impulse un nau modèl energetic e tanben economic que, crearà naui lòcs de trabalh.

HÒNT: AJUNTAMENT DE LES