Eth plen der ajuntament de Bossòst apròve ua mocion conjunta contra era aplicacion der article 155

Eth Plen der ajuntament de Bossòst a aprovat ua mocion conjunta pes grops d’Unitat d’Aran e Convergéncia Democratica Aranesa de refús ara possibla aplicacion der article 155 dera Constitucion Espanhòla per part deth Govèrn Centrau en Catalonha. Ua preocupacion importanta que poderie amiar ara pèrta der autogovèrn dera Val d’Aran.

Era votacion a estat aprovada per ua ampla majoria, en tot auer-i sonque era abstencion dera còsso d’Unitat d’Aran Guillermina Roman. D’aguesta manèra, Bossòst s’ahigís a Les, coma es unics municipis deth país en aprovar aguest tipe de mocion.