Eth pilòt aranés, Mari Boya, participarà ena categoria F3 damb er equip MP Motorsport
20/11/2022
Mari Boya barre era sason entre es dètz melhors pilòts dera grasilha dera Formula Regional European Championship by Alpine. Ara, eth joen pilòt aranés a clar eth sòn objectiu entara pròplèu sason; córrer eth mondiau de FIA F3
As sòns 18 ans, eth pilòt aranés celèbre un important pas ena sua carrèra esportiua: «Ei ua grana sensacion saber qu'aguest iuèrn me prepararè entà un següent pas vitau ena mia carrèra, en tot pujar ara Formula 3 dera FIA damb MP Motorsport. Ei fòrça bon poder hè'c ath costat de MP. En tot auer trabalhat tan ben damb era equipa en 2020 e enes darrèri mesi, non auí cap dobte en signar damb eri entath mèn debut ena FIA F3. È fòrça desirs de córrer contra totes es equipes de Gran Prèmi, e non pogui demorar ara prumèra ronda en Bahréin!», A comentat Boya.
Se pòt díder que Boya ei eth prumèr pilòt professionau aranés. Des der an 2015, a on artenhec damb 11 ans eth sòn prumèr títol de campion d'Espanha, eth dera Val d'Aran a estat campion toti es ans en diuèrsi campionats.
HÒNT: MARIBOYA.COM
Se pòt díder que Boya ei eth prumèr pilòt professionau aranés. Des der an 2015, a on artenhec damb 11 ans eth sòn prumèr títol de campion d'Espanha, eth dera Val d'Aran a estat campion toti es ans en diuèrsi campionats.
HÒNT: MARIBOYA.COM
Manu Moga