Eth Parlament de Catalonha apròve ua propòsta deth PSC tà finalizar es òbres en Institut d'Aran

Pendent aguesta setmana, eth Parlament de Catalonha a aprovat ua Propòsta deth PSC entara finalizacion des òbres qu’encara manquen der Institut d’Aran. Era aperada 3au fasa, que non s’a podut amiar a tèrme des de 2010, supause era eliminacion des barracons que i a ara madeish en pati deth centre. Un espaci que non s’emplegue tà d’arren e que des der Institut vòlen utilizar entà diuèrses actiuetats, coma per exemple, actiuetats esportiues.

Des d’Unitat d’Aran vòlen qu’aguestes òbres se poguen executar çò de mès lèu possible, pr’amor qu’era totalitat des alumnes qu’ara madeish corsen era secundària, se trapen en Institut d’Aran. Per tant, cren de besonh aguesta actuacion tà milhorar es condicions deth centre.

Un des pròblemes associats ad aguesta intervencion finau, ei era manca de pressupòst e ara inestabilitat politica des darrèri ans en Catalonha. Per aquerò se demane que pogue èster ua decision que non se endarrerisque guaire.