Eth Parc Nacionau d'Aigüestòrtes defen eth projècte d'ampliacion de Baqueira-Beret

Bona notícia entà Baqueira-Beret, pr'amor qu'eth Parc Nacionau d'Aigüestòrtes apròve eth projècte d'ampliacion dera estacion en direccion ara Peülla. Segontes un informe des servicis tecnics d'aguest parc, aguest projècte complís damb era normativa que regule eth parc. Baqueira-Beret a previst era installacion d'un telesèra ena zòna periferica deth parc."Aguest projècte non transgredís en cap moment era legislacion vigenta sus era regulacion deth parc, ne tanpòc auem trapat cap tipe d'element contradictòri vers ara normativa", comente eth president deth patronat d'Aigüestòrtes, Josep Enric Llebot.

Ara, manque ua decision finau de part deth burèu territoriau d'avaloracion ambientau (OTA) e era ponéncia ambientau dera Generalitat de Catalonha. Ans endarrèr, eth projècte d'ampliacion de Boí Taüll siguec refusat per èstr projectat damb 500 ectares de proprietat privada inclodides ena zona periferica de proteccion.