Eth Palai de Gèu torne a meter-se en marcha

Vielha e Mijaran auie ganes d’apropar-se un shinhau ara normalitat, e per açò a arrecebut damb fòrça d’optimisme era entrada ena dejà coneishuda coma prumèra fasa dera desescalada. 

D’aguesta forma er er Ajuntament de Vielha e Mijaran a recuperat era activitat esportiua deth Palai de Gèu e d'auti equipaments e servicis municipaus, coma era Bibliotèca Generau. Totun, aguesta prumèra dubertura d’aguestes installacions ei subjècta a restriccions e a cita preleabla. 

En çò que tanh ath Palai de Gèu, se e poderà accedir a 3 sales, e tanben ara sala principau de gimnàs, ath rocodròm e era pista de padel. Tostemp, important, que s’age hèt era reserva.  

Es vestiaris e es piscines an prevista era sua dubertura ena darrèra fasa dera desescalada.

Ath delà, era durada des sessions dera activitat esportiua non poderà èster superiora a ua ora per usatgèr, a excepcion deth padel, que serà d'ua ora e mieja per session.

Limitat ei tanben er aforament, d’ua persona per sala. En gimnàs depenerà des monitors que i age disponibles. 

Cau tanben auer en compde qu’ara installacion sonque poderàn accedir es abonadi. 

Era Bibliotèca Generau de Vielha sonque demorarà activa entara recuelhuda e devolucion de libres.