Eth nau Skate Park de Vielha ja ei en foncionament
12/10/2022
Des der Ajuntament de Vielha e Mijaran an bastit aguest nau equipament esportiu municipau en Eth Solan, qu'aucupe uns 800 m² e qu'ei dividit en 3 airaus: Zòna de Miniramp, Zòna de Bowl e Zòna de Street.
Er equip de govèrn deth consistòri balhe responsa a ua demana dera joenessa deth municipi, en tot complementar era aufèrta esportiua e de léser, en un endret a on tanben s'i place eth Palai de Gèu, eth Palai d'Espòrts, es pistes de fronton, de pàdel e era naua poliesportiua exteriora
“Des der equip de govèrn der Ajuntament de Vielha e Mijaran èm satisfèti de poder aufrir ara joenessa de Vielha e Mijaran aguest nau skate park, qu'ei ua demana qu'aguest collectiu mos auie transmetut, e qu'a compdar d'ara poderàn gaudir en un endret a on s'i trapen es principaus equipaments esportius municipaus”, comente eth dusau tinent d'alcalde de Vielha e Mijaran e còsso d'espòrts, Alberto López. E ahig que “entà nosati era joenessa ei un sector dera societat fòrça important e, en aguest sens, enguan auem hèt un esfòrç important entà qu'agen dues installacions esportiues naues, damb er skate park e era pista poliesportiua exteriora, que pendent tot er ostiu e aguesta tardor, fòrça gent a emplegat (e emplegue) entà poder practicar espòrt ar aire liure”.
HÒNT: AJUNTAMENT VIELHA E MIJARAN
Manu Moga