Eth nau sistèma de remassada de lordères pòrta a pòrta s'iniciarà en març
Dempús de 10 ans der anterior servici se varie damb eth prètzhèt de milhorar en airau de reciclatge a nivèu europèu
Eth nau modèl deth servici de remassada de lordères s’informe as grani productors dera Val d’Aran, ei a díder, ath sector dera ostalaria en generau, gràcies ara intervencion de diuèrsi educadors ambientaus que informen as propietaris e trabalhadors sus es naues formes de hèr a compdar d’ara damb aguest servici.
Eth nau modèl, que cambie dempús de 10 ans de portar-lo ua auta enterpresa, ei gestionat peth Conselh Generau d’Aran qu’a trauès d’ua licitacion a demorat guanhadora era enterpresa FCC Fomento. Enes aplicacions que s’haràn a compdar d’ara, en destaque eth pòrta a pòrta tà aguesti grani productors, qu’en foncion dera jornada que sigue, se les remassarà organica, vèire o carton, entre d’auti.
Damb aguest sistèma se vò potenciar eth reciclatge en Aran e arribar ath % que mèrque era Union Europèa que s’a d’arribar enes pròplèu ans.
Eth modèl s’iniciarà oficiaument en mes de març, moment en quau aurà ua pròva de huec perqué era Setmana Santa serà a pògues setmanes e serà un bon indicador tà saber s’ei un servici mès eficient.
