Eth Conselh restaure era imatge gotica de Sant Joan Baptista

Eth passat diuendres, dia 5 de mai, era imatge de Sant Joan Baptista tornèc, un còp mès, ath Santuari de Sant Joan d'Arròs e Vila e eth dimenge 7 poguec presidir era romeria que se celèbre en sòn aunor.

Es trabalhs de restauracion an consistit ena desinfeccion preventiua dera òbra e, dempús d'auer estat confirmada era existéncia d'ua policromia mès antiga dejós deth repint modèrn, s’a procedit ara eliminacion d’aguest.

Un còp eliminat eth repint, s’a podut comprovar qu’aguesta policromia subjacent ara descobèrta, ei de fòrça major qualitat e qu’en part, possiblament se tracte dera originària.

Dejós dera pentura modèrna s'a trapat ua imatge damb ua tunica daurada e barba e peu bruns.

En cas dera cara deth Sant, a on es rèstes de policromia èren fòrça escassi, s’a optat per ua reintegracion des lacunes a fin qu’aguestes non distorsionen era visualizacion dera imatge.

Ei previst qu'era rèsta d'imatges retornen as sues glèises originaries ena Val d'Aran pendent eth mes de junh.

IMATGE: CONSELH GENERAU D'ARAN