AUE TV
    1. AUE TV

    Eth Conselh Generau d’Aran organize ua naua edicion deth concors literari Aran de Literatura

    14/12/2021

    Aguest concors, que celèbre enguan era sua XXII edicion, promocione er usatge der aranés ena literatura e ei dubèrt a totes es persones majors de 18 ans qu’i volguen participar

    Eth departament de Lengua e Cultura deth Conselh Generau d’Aran a convocat era XXIIau edicion deth Prèmi Aran de Literatura, un concors qu’ajude a promocionar er emplec der aranés ena literatura.


    Eth Prèmi Aran de Literatura ei dubèrt a totes es persones de 18 ans ensús qu’i volguen participar e cònste de tres categories: narracion, poesia e novèlla juvenila.


    Es autors poiràn presentar es sues òbres en Departament de Lengua e Cultura deth Conselh abans deth dia 22 d’abriu de 2022. Es òbres an d’èster inedites e presentades de manèra anonima (podetz consultar es bases deth prèmi Aran de Literatura entà conéisher toti es detalhs).


    Entàs guanhadors d’aguest concors s’aufrirà un prèmi en metallic e un diplòma, que s’entregaràn enes dies propèrs ara Hèsta d’Aran (17 de junh), laguens des actes corresponents ara sua celebracion.



    HÒNT: CONSELH GENERAU D'ARAN
    Manu Moga
    Tornar