AUE TV
    1. AUE TV

    Eth Conselh Generau d’Aran equipe as refugis de montanha damb morralets de Supòrt Vital Basic e desfibriladors

    23/02/2022

    Aguesta dotacion deth Conselh Generau d’Aran garantirà ua major proteccion entàs usatgèrs e usatgères des refugis de montanha aranesi deuant ua situacion d’emergéncia

    Eth Conselh Generau d’Aran, en exercici dera sua competéncia de gestion de servicis d’emergéncies e proteccion civila, a equipat as refugis de montanha dera Val d’Aran damb morralets de Supòrt Vital Basic (SVB) e desfibriladors semiautomatics.


    Aguesta equipacion respon ath besonh d’assegurar ua major proteccion des usatgèrs e usatgères d’aguesti refugis deuant ua situacion d’emergéncia.


    Eth còs de Pompièrs d’Aran dejà amièc a tèrme hè tres ans un cors de Servici Vital Basic e Desfibriladors Extèrns Automatics (DEA) as guardes des refugis aranesi, qu’an tornat a realizar enguan un cors de reciclatge. Atau madeish, es Pompièrs les an aufrit tanben ua formacion sus eth contengut des morralets SVB e coma hèr-les a servir en cas que siguesse de besonh.


    Aguesti naui equipaments supausen un pas endeuant fòrça important entara salut publica, pr’amor qu’es parades cardiaques extraespitalàries son ua des principaus causes de mortalitat dera poblacion.


    HÒNT: CONSELH GENERAU D'ARAN
    Manu Moga
    Tornar