Eth Conselh Generau d'Aran elaborarà es informes de prepauses enes pròplèus Comissions d'Urbanisme

Pendent era Comissió d’Urbanisme dera Val d’Aran celebrada ena sedença deth Conselh Generau d’Aran, s’a dat eth vist-e-platz iniciau ara tramitacion de diuèrsi plans especiaus. Per un costat, era implantacion d’un camp de tir ena zòna de Vilamòs e Es Bòrdes e tanben dar permís ara reabilitacion d’ua bòrda e un abitatge en Bagergue, damb us de restaurant en ua parcèla de 500 m2 de tet. Tanben, s’a aprovat era ampliacion des installacions des banhs d’Arties entà bastir-i un bar e millorar-ne era pavimentació.

Ua des nauetats dera Comission ei qu’arraïtz dera competéncia d’urbanisme qu’a eth Conselh Generau d’Aran transferida coma contemple era Lei d’Aran, a compdar d’ara, es informes de prepauses de resolucion as futures comissions d’urbanisme dera Val d’Aran, les elaboraràn es servicis tècnics dera institucion aranesa.

D’aute biais, Serra, tanben a confirmat qu’es càmpings deth país seguiràn en tot desvolopar era sua actiuetat damb normalitat. N’i a que dejà elabòren es plans de milhora des sues installacions, mès encara manque per saber que ditz era Confederación Hidrográfica del Ebro sus era legalitat des càmpings per trapar-se apròp de zònes inundables.