Eth Conselh Generau d'Aran demane èster ena taula de trebalh dera candidatura olimpica Barcelona-Pirenèus

Era Val d'Aran demane èster inclodida enes trebalhs que s'amien a tèrme ena candidatura olimpica Barcelona-Pirenèus. Eth passat 12 de mai, eth síndic d'Aran, Carlos Barrera, e eth conselhèr d'espòrts, Luis Carlos Medina, sigueren presents ena taula de trebalh convocada en Palai dera Generalitat de Catalonha pera conselhèra dera presidéncia, Neus Munté.

En aguesta reünion s’an dat compde des conclusions dera Comission d’Estudi creada tad aguest efècte per part der Ajuntament de Barcelona. Tanben s’a acordat era creacion d’ua Taula de trabalh tara candidatura e d’un estudi d’oportunitats entath Pirenèu.

Era diferéncia substanciau actuau des requeriments deth COI (Comitat Olimpic Internacionau) damb es qu’en sòn moment demanaue entà acuélher uns jòcs olimpics e que motivèren era exclusion dera Val d’Aran, deth Pallars e dera Alta Ribagorça per motius de distància en aguesti moments e damb es naues exigéncies an cambiat e incorpòren as estacions d’esquí d’aguesti territòris.

Damb aguesta naua premisa, eth sindic d’Aran, Carlos Barrera, a manifestat eth sòn supòrt ath nau projècte e a demanat era incorporacion ena taula de trabalh e der estudi a representants deth Conselh Generau d’Aran.

 
IMATGE: Generalitat de Catalonha