Eth Conselh Generau d’Aran crompe ua partida de 200 tests serologics

Identificar se's professionaus consideradi essenciaus an passat dejà eth coronavirus e, tanben, determinar es pacients qu’an creat inmunitat deuant aguesta malautia. 

Açò ei çò qu’eth Conselh Generau d’Aran s’a mercat coma objectiu dempús de crompar ua partida de 200 tests serologics a ua empresa omologada. 

Es tests serologics son pròves rapides que se realizen mejançant ua mòstra de sang. Era sua foncion ei detectar es anticòssi generadi a compdar dera responsa inmunologica generada damb ua mòstra de sang. 

En parallel, era realizacion d’aguestes pròves, que seràn volontàries, poirien auer incidéncia en ritme dera evolucion des naui contagis que enregistre era Val d’Aran des der inici dera pandèmia. 

Identificar as professionaus dejà inmunizadi, segontes eth govèrn, ei un pas important entà qu’eth sistèma sanitari aranés pogue afrontar damb major eficàcia aguesta situacion. 

En aguesta madeisha linha, tanben s’amiaràn a tèrme aguesti tests a toti aqueri pacients qu’an estat ingressadi damb pneumonies e tanben as casi lhèus qu’an estat en isolament domiciliari controladi per airau d’atencion primària.