Eth Conselh Generau d'Aran cedis documentacion ara Academie Julien Sacaze

Eth Conselh Generau d'Aran e era Academie Julien Sacaze an signat un acòrd peth quau era institucion aranesa li cedís ua còpia digitalizada dera documentacion dera sua proprietat entara exposicion monografica que premanís era institucion francesa sus era figura de Maurice Gourdon.Aguesta exposicion preten remercar era vida e òbra d'aguest personatge, gran amant des Pirenèus des sègles XIX e XX. Gourdon, qu'ère geòleg, ère tanben un gran diboishant, pintor e litògraf que deishèc centenats de documents, fòrça que se ne tròben en Musèu deth País de Luishon e d'auti, sustot diboishi originaus de la Val d’Aran, sigueren aqueridi en sòn moment peth Conselh Generau d’Aran e se tròben en Musèu dera Val d’Aran e en Archiu Generau d’Aran.

Organizada peth Comitè Scientific dera Academie Julien Sacaze, damb era collaboracion deth Conselh Generau d’Aran, se monte aguesta exposicion tematica sus era vida e òbra de Maurice Gourdon que se poderà visitar en Luishon, en Musèu de Lourdes e en Nantes. Mès tà deuant, un viatge revirada ar aranés, se poderà veir tanben ena Val d’Aran, concrètaments ena glèisa de Sant Joan d’Arties.


IMATGE: Conselh Generau d'Aran