Eth CFA daurís es sues preinscripcions deth 15 ath 30 de junh

Eth Centre de Formacion d'Adults dera Val d'Aran daurirà eth plaç de preinscripcions entàs sòns ensenhaments deth pròplèu 15 de junh enquiath 30 deth madeish mes. 

Entà realizar aguest procés serà necessari portar ath centre era sollicitud de preinscripcion ramplida (se pòt descargarena sua web), ua fotocòpia deth DNI e ua auta dera targeta sanitària. 

Eth sorteig des places serà eth 6 de junhsèga e era publicacion dera lista d'admetudi eth 13 deth madeish mes. Es naui alumnes qu'agen estat admetudi, s'auran de matricular pendent er 1 e eth 10 de seteme. 

Pera sua part, es antics alumnes que volguen contunhar formant-se auran de confirmar era sua matricula ramplint era huelha de confirmacion e hènt eth pagament de 60 euròs, en cas de non confirmar-la, perderà era plaça.

Era aufèrta d'ensenhaments entath pròplèu cors 2017-2018 serà de: 

• Anglés nivèus 1, 2 e 3
• Francés nivèus 1, 2 e 3
• Informatica nivèus iniciau, 1, 2 e 3
• Cors de preparacion as pròves d'accés a grad superior
• Graduat en Educacion Segondària (mejançant er IOC)

Entà mès informacion, non dubtes en consultar era sua plana web! 

IMATGE: CFA VAL D'ARAN