Eth Centre de Recorsi Pedagogics elabòre "Er Auca deth Camin Reiau"

“Er Auca deth Camin Reiau”. Aguesta ei era aportacion qu’amie a tèrme enguan eth Centre de Recorsi Pedagogics dera Val d’Aran laguens deth programa “Apadrinem el nostre Patrimoni” impulsat pera Generalitat de Catalonha. Aquesta accion preten apropar un element patrimoniau deth país as alumnes des desparières escòles deth territòri. Coma ei abituau, des dera Val d’Aran s’a compdat damb es usatgèrs dera Associacion de Discapacitats d’Aran entà elaborar er auca, que seguís es normes deth tradicionau jòc, mès en tot èster restacat damb elements patrimoniaus dera Val d’Aran.

Der Auca deth Camin Reiau s’en beneficiaràn ath tor de 360 alumnes des desparièrs centres educatius dera Val d’Aran des Cicles Miei e Superior de Primària e des dus prumèri corsi dera Secundària a compdar deth 3au trimesadèr. Es usatgèrs der ADDA an estat qui an elaborat es auques, qu’an estat diuèrsi mesi en tot trebalhar damb es 10 mèmbres que ne hèn part.

Se tracte d’ua actiuetat que reconeish er esfòrç des usatgèrs d’ADDA e que trebalhen en tot saber que fòrça mainatges jogaràn damb es auques.

Aguest ei eth 2au viatge qu’ADDA collabòre en aguest projècte damb es estudis. Er an passat dejà realizèren er Armari des Sies Claus. Ath delà, aguesta institucion collabòre cada an damb fòrça mès actiuetats tostemp que se lis i demane. Mès ei era sua satisfaccion eth màger prèmi que se’n pòt emportar era gent.