Eth campus de basquet Sito Alonso realize un stage ena Val d'Aran damb 200 mainatges

Era Val d’Aran a tornat a acuélher un an mès ua naua edicion deth Campus Sito Alonso, un stage a on 200 mainatges d’entre 6 e 17 ans arribadi de desparièrs punts der Estat, an podut gaudir de 10 dies en país damb eth sòn espòrt preferit. Sustot, an entrenat en Palai d’Espòrts de Vielha damb entrenaments especifics, mès tanben an podut gaudir des installacions deth Palai de Geu. Er objectiu d’aguest campus ei gaudir der espòrt mès tanben apréner d’auti comportaments que les servirà en futur.

Enguan dejà ei eth 19au an que se celèbre aguest campus, que inicièc eth pair der actuau director. Alonso, a clar qu’era Val d’Aran amasse tot aquerò qu’an de besonh entà qu’es adolescents poguen auer um sojorn tanplan satisfasenta.

Enguan Sito Alonso s’estrearà coma nau entrenador dera seccion de basquet deth Barça. Se beth dia aguesti mainatges vòlen arribar a èster un membre mès d’aguesta o d’autes equipes de basquet, auràn d’entrenar-se fòrça, mès encara son joeni e an temps de gaudir d’aguest espòrt, damb d’auti companhs damb es qu’an compartit fòrça estones de diversion.