Eth baile de Vielha e Mijaran, Juan Antonio Serrano, critique qu'era Generalitat financie er aeropòrt d'Andòrra-La Seu

"Ei inconcebible qu'eth Govèrn catalan financie un aeropòrt damb es sòs de toti es catalans entà que pòrte toristes entà Andòrra", ei çò qu'a manifestat eth baile de Vielha e Mijaran, Juan Antonio Serrano, en diari Segre, dempús dera dubertura dera naua linha damb Malhòrca.


En aguest sens, Serrano critique aguesta decision, pr'amor que pense qu'es toristes que proviene de Balears e de Madrid non demoren en La Seu, senon que van directament tath Principat, a on dispausen d'un bus que les pòrte as pistes d'esquí.


Atau madeish, a assegurat qu'açò aurie estat impensable en costat francès. 


Aguestes declaracions a trapat veus en contra de politics deth Pirinèu de Lhèida e de Catalonha.


HÒNT: DIARI SEGRE.