Eth 92% des naui casi per Covid-19 en Aran son dera varianta britanica

Era Val d’Aran contunhe en tot notificar donades negatiues en torn ara Covid-19. 

Es naui contagis diaris son encara nauti e eth risc de rebròt va dia darrèr dia en aument, en tot plaçar-se en lèu 2.000 punts a dia d’aué, eth mès naut de tota Catalonha. Pera sua part, era RT ei de 1,4.

Ath delà, Aran non artenh redusir era pression espitalària e actuauments son 13 es ingressadi per Coronavirus en Espitau Val d’Aran. Arrason pera quau eth govèrn aranés e era generalitat de CAtalonha dejà an mantengut comunicacions. 

Preocupe tanben eth resultat der informe epidemiologic emetut peth departament de Salut, basat en 24 mòstres de pacients positius per COVID-19 ena Val d’Aran eth darrèr mes, que ditz qu’eth 92% d’aguesti casi corresponen ara variant britanica

Era preséncia d’aguesta variant, fòrça mès contagiosa, explicarie, en part, eth notable aument de casi qu’a experimentat eth territòri pendent es darrères setmanes.