Esquerra Republicana presente ua mocion en Senat entà mandar era fibra optica ath Naut Pirenèu a trauès des carretères N-230 e N-260
11/02/2025
Sara Bailac impulse era mocion que sollicite ath Govèrn d’Espanha acordar un convèni damb era Generalitat entà resòlver eth blocatge des projèctes de fibra optica a trauès de carretères estataus
POLÍTICA
Vielha
A instància dera senadora republicana Sara Bailac, eth grop parlamentari Izquierdas por la Independencia (Esquerra Republicana - Euskal Herria Bildu) a presentat ua mocion en Senat entà mandar era fibra optica ath Naut Pirenèu a trauès des carretères N-230 e N-260.
Desenes de pòbles en Naut Pirenèu coma es municipis de Soriguera, en Palhars Sobeiran, era Val de Boí, Vilaller e eth Pònt de Suert, ena Nauta Ribagòrça, hè ans que reclamen era arribada dera fibra optica, ua infrastructura essenciau e mès encara entàs zònes damb risc de despoblacion. Era senadora republicana a explicat que, " A despiet qu'era Generalitat de Catalonha dispòse des recorsi e era volontat de mandar e connectar aguesti municipis damb era fibra optica, massa soent es projèctes qu'ac permeterien demoren bloquejadi pera manca des permisi de besonh dera Direccion Generau de Carretères der Estat entà utilizar es sues infrastructures, coma es carretères N-260 e N-230".
Era connexion ara fibra optica non sonque supausarà ua melhora substanciau enes comunicacions des municipis ruraus, mès qu'ei un estrument fonamentau e decisiu entà afrontar eth procès de despoblacion: "Facilitar er accès en ua internet de nauta velocitat permeterie qu'es abitants d'aguesti municipis podessen optar entath teletrabalh o modèl híbrids, que se dinamizarien damb es economies locaus e s'evitarie er èxode enes granes ciutats", a ahijut Bailac.
Per aguest motiu, s'a presentat ua mocion entath sòn debat ena Comission de Despoblacion e Rèpte Demografic que sollicite ath Govèrn d'Espanha a acordar un convèni damb era Generalitat de Catalonha entà resòlver urgentment eth blocatge des projèctes de fibra optica en Naut Pirenèu a trauès de carretères estataus.
Era mocion tanben sollicite ath Govèrn, entre d'auti punts, a establir un calendari concrèt entara connexion dera fibra optica enes municipis mencionadi, e a d'auti que se tròben ena madeisha situacion de manca de permisi similars, en tot assegurar qu'eth projècte se pogue completar pendent era prumèra part der an2025. Atau coma tanben, sollicite a informar es municipis afectadi de manèra periodica sus er estat d'execucion des permisi e es òbres de desplegament, en tot garantir era transparéncia e era rendicion de compdes en desvolopament deth projècte de connectivitat digitau enes zònes afectades.
HÒNT: ESQUERRA REPUBLICANA
Desenes de pòbles en Naut Pirenèu coma es municipis de Soriguera, en Palhars Sobeiran, era Val de Boí, Vilaller e eth Pònt de Suert, ena Nauta Ribagòrça, hè ans que reclamen era arribada dera fibra optica, ua infrastructura essenciau e mès encara entàs zònes damb risc de despoblacion. Era senadora republicana a explicat que, " A despiet qu'era Generalitat de Catalonha dispòse des recorsi e era volontat de mandar e connectar aguesti municipis damb era fibra optica, massa soent es projèctes qu'ac permeterien demoren bloquejadi pera manca des permisi de besonh dera Direccion Generau de Carretères der Estat entà utilizar es sues infrastructures, coma es carretères N-260 e N-230".
Era connexion ara fibra optica non sonque supausarà ua melhora substanciau enes comunicacions des municipis ruraus, mès qu'ei un estrument fonamentau e decisiu entà afrontar eth procès de despoblacion: "Facilitar er accès en ua internet de nauta velocitat permeterie qu'es abitants d'aguesti municipis podessen optar entath teletrabalh o modèl híbrids, que se dinamizarien damb es economies locaus e s'evitarie er èxode enes granes ciutats", a ahijut Bailac.
Per aguest motiu, s'a presentat ua mocion entath sòn debat ena Comission de Despoblacion e Rèpte Demografic que sollicite ath Govèrn d'Espanha a acordar un convèni damb era Generalitat de Catalonha entà resòlver urgentment eth blocatge des projèctes de fibra optica en Naut Pirenèu a trauès de carretères estataus.
Era mocion tanben sollicite ath Govèrn, entre d'auti punts, a establir un calendari concrèt entara connexion dera fibra optica enes municipis mencionadi, e a d'auti que se tròben ena madeisha situacion de manca de permisi similars, en tot assegurar qu'eth projècte se pogue completar pendent era prumèra part der an2025. Atau coma tanben, sollicite a informar es municipis afectadi de manèra periodica sus er estat d'execucion des permisi e es òbres de desplegament, en tot garantir era transparéncia e era rendicion de compdes en desvolopament deth projècte de connectivitat digitau enes zònes afectades.
HÒNT: ESQUERRA REPUBLICANA
Manu Moga