Espòrt infantil e era Corsa des 15 Pòbles, aguesta dimenjada
24/08/2024
Èm Aran aufrirà 5.000 € en bèques a esportistes
ESPORTS
ArtiesVielha
Arties hestège aué era Olimpiada infantila, organizada pera entitat sense anim de lucre Èm Aran. Jòcs esportius, corses entàs neishudi entre 2013 e 2021 e un minjar popular formen eth programa. Cau destacar qu’Èm Aran Sports Foundation, autrejarà un paquet de bèques per valor de 5.000 èuros damb hons pròpris a esportistes d’elit e aranesi en projeccion, ath delà de d’auti 1.500 èuros a entitats qu’impulsen eth fotbòl en territòri gràcies as ingrèssi de tornegi organizadi pera fondacion. Atau, Èm Aran enguan tanben collabòre damb era organizacion dera Corsa e Caminada des 15 pòbles, ua classica deth trail running que hestejarà deman era sua 27aua edicion damb corses que corbissen distàncies de 5, 11 e 21 quilomètres, e caminades de 5 e 16. Andues trobades ludiques e esportives compden damb eth supòrt deth Conselh Generau d’Aran. En çò que tanh as inscripcions, pendent eth dia d’aué poiràn hèr-se de forma presenciau ena plaça d’Aran, en Vielha.
Èm Aran Sports Foundation, creat er an 2020 per un grop de joeni aranesi, se finance a trauès dera organizacion d’eveniments e subvencions e d’aportacions d’entitats publiques e privades.
HÒNT: DIARI SEGRE
Èm Aran Sports Foundation, creat er an 2020 per un grop de joeni aranesi, se finance a trauès dera organizacion d’eveniments e subvencions e d’aportacions d’entitats publiques e privades.
HÒNT: DIARI SEGRE
Manu Moga