Es Termes Era Baronia de Les dejà an era sua pròpia bièra!

Era Val d’Aran compde damb un nau producte d’elaboracion pròpia laguens deth sòn repertòri, se tracte d’ua cervesa artesanau elaborada damb es aigües termaus des Termes Era Baronia de Les e que pòrte coma nòm eth deth pròpi balneari.

Aguest nau reclam ei un projècte que dejà portaue mesi fermentant e que, ara fin, se dèc a conéisher en ua hèsta fòrça especiau a on es assistents poderen tastar aguesta bièra termal mentre gaudien d’un bon aperitiu e musica en dirècte.

Eth secrèt d’aguesta bièra? Evidentaments er aigua utilizada, amassa damb era barreja de malta e lupul escuelhda peth sòn creador.

Era cervesa des termes Era Baronia de Les se poderà arténher de moment sonque en pròpi balneari, a on de ben segur mès d’un coriós s’i aproparà entà hèr-se damb era.