Es Pompièrs d'Aran envien 120 mètres cubics de materiau entà Ucraïna
14/03/2022
Es Pompièrs carguen un tràiler de 120 mètres cubics damb bidons d’aigua, matalassi, ròba de lhet, mantes, ròba d’abric de hemna, òme, mainatge, mainada e de repopet donada pera ciutadania d’Aran.
HÒNT: CONSELH GENERAU D'ARAN
Damb aguest darrèr cargament transportat per ua empresa aranesa e finançat peth Conselh Generau d’Aran, s’artenh a enviar era totalitat deth materiau e aliments remassadi pendent es dies 3, 4 e 5 de març.
Es Pompièrs d’Aran an catalogat e organizat tot eth materiau en bosses damb etiquetes en castelhan, anglés e ucraïnian tara sua facila identificacion e repartiment un viatge arribe ath sòn destin.
Entà hè’c arribar as refugiadi, s’a contactat damb eth Consolat d’Ucraïna en Barcelona qu’a establit diuèrsi punts de remassada d’ajuda umanitària. En cas d’Aran, s’a enviat tot a Sant Fost de Campsentelles seguint es indicacions deth consolat. A on tanben es Pompièrs d’Aran hèren arribar era setmana passada es medicaments e materiau sanitari, autan coma, es aliments e mès ròba d’abric.
HÒNT: CONSELH GENERAU D'ARAN
Manu Moga