Es piscines termaus d’Arties seràn gratuïtes entàs vesins de Naut Aran
09/06/2020
Er Ajuntament de Naut Aran a acordat qu'entà aguesta sason d'ostieu es piscines termaus siguen gratuïtes entà toti es vesins deth municipi. Enquiath moment, er unic drèt discriminatòri positiu qu'existie, ère er emplec d'ua petita banhèra climatizada entàs persones empadronades en Arties. Ei per açò, qu'er ajuntament, de forma proactiva, a decretat que totes es persones que siguen deth municipi de Naut Aran non les calgue pagar entà accedir a quinsevolh part que d'aguesta installacion, ja sigue era banhèra o es dues piscines termaus granes.
Eth baile deth consistòri, Cesar Ruiz-Canela Nieto, considère que “aguesta installacion se creèc damb hons deth pròpri ajuntament e credem qu'ei un equipament qu’an de gaudir es nòsti residents a còst zèro”.
Per tant, es vesins de Naut Aran non pagaràn era quòta de 1 èuro era ora qu'auien assignada coma empadronats en aguest municipi. Entara rèsta dera Val d'Aran e visitants de dehòra deth territòri eth prètz se manten e auràn d'abonar entre 2 e 3 èuros era ora en foncion dera edat.
En relacion ath compliment des mesures de prevencion sanitària pera crisi dera Covid-19, s'installarà enes vestiaris d'aguest complèx ua maquina d'ozòn que permeterà era desinfeccion totau der ambient. Se garantís atau, que non i age cap tipe de risc de contagi entath client ath delà d'establir ua distància de seguretat oportuna entre eri laguens deth recinte.
Es banhs termaus d'Arties dispòsen de dues piscines: ua de 5x6 mètres e ua auta de 2x8 mètres e son plaçades ath costat des “Banhs d’Arties”, un antic complèx damb tres hònts d'aigua termau sulfuratsodiques inutilizat des des ans 80. Ena naua installacion, independenta dera anteriora, es banhistes gaudiràn d'aigua termau naturau a ua temperatura de 39ºC.
Era installacion se daurirà eth 19 de junh en orari de 10:30 a 20:00 de dimars a dimenge.
HÒNT: AJUNTAMENT DETH NAUT ARAN
Eth baile deth consistòri, Cesar Ruiz-Canela Nieto, considère que “aguesta installacion se creèc damb hons deth pròpri ajuntament e credem qu'ei un equipament qu’an de gaudir es nòsti residents a còst zèro”.
Per tant, es vesins de Naut Aran non pagaràn era quòta de 1 èuro era ora qu'auien assignada coma empadronats en aguest municipi. Entara rèsta dera Val d'Aran e visitants de dehòra deth territòri eth prètz se manten e auràn d'abonar entre 2 e 3 èuros era ora en foncion dera edat.
En relacion ath compliment des mesures de prevencion sanitària pera crisi dera Covid-19, s'installarà enes vestiaris d'aguest complèx ua maquina d'ozòn que permeterà era desinfeccion totau der ambient. Se garantís atau, que non i age cap tipe de risc de contagi entath client ath delà d'establir ua distància de seguretat oportuna entre eri laguens deth recinte.
Es banhs termaus d'Arties dispòsen de dues piscines: ua de 5x6 mètres e ua auta de 2x8 mètres e son plaçades ath costat des “Banhs d’Arties”, un antic complèx damb tres hònts d'aigua termau sulfuratsodiques inutilizat des des ans 80. Ena naua installacion, independenta dera anteriora, es banhistes gaudiràn d'aigua termau naturau a ua temperatura de 39ºC.
Era installacion se daurirà eth 19 de junh en orari de 10:30 a 20:00 de dimars a dimenge.
HÒNT: AJUNTAMENT DETH NAUT ARAN
Laura Rodríguez