Es Mossos d'Esquadra detien ua parelha de Vielha per tràfic de drògues

En cors dera investigacion tanben constatèren que, dempús dera desarticulacion aguesta primauera d'un grop que traficaue damb cocaïna ena Val d'Aran, auien profitat entà véner tanben aguesta dròga.

Era òme se desplaçaue damb un ciclomotor, un còp auie contactat telefònicament damb es crompadors, e en tot préner tostemp fòrça precaucions e en tot seguir trajèctes erràtics, que dificultauen eth seguiment policèr, arribaue enquiath punt d'amassada a on en pòqui segons realizauen er escambi.

Era investigacion ère fòrça auançada enquia qu'eth dimèrcles dera setmana passada un agent de seguretat ciutadana que se trobaue per Vielha vedec ar òme que circulaue damb eth ciclomotor e que s'arturaue deuant un establiment deth carrèr Pradets. Un joen s'apropèc e dempús de dar-li sòs eth conductor deth ciclomotor partie rapidaments deth lòc.

Er agent alertèc as companhs de comissariat e s'identifiquèc coma policia ath presomptiu crompador, un vesin dera Alta Ribagòrça, e confirmèc que li auie venut presomptaments cocaïna.

Pòc dempús ua patrolha localizèc ath vendeire quan arribaue damb eth ciclomotor ena sua abitança, ena Avenguda Pas d'Arró e procediren ara sua detencion coma presomptiu autor d'un delicte contra era salut publica.

Es mòssos que portauen era investigacion detengueren posterioraments era parelha deth detengut e londeman se realizèc ua orde e perquisicion ena abitança.

Es agents localizèren 155 grams d'eroïna, 44 grams de cocaïna, ua bàscula de precision, utisi restacadi, 6 telefòns mobils e 3.145 € en metallic.

Es detenguts, eth damb antecedents, passèren dissabte passat a disposicion judiciau deuant era jutjada d'instruccion es foncions de guardia de Vielha.


HÒNT: MOSSOS D'ESQUADRA