Es maxims responsables deth Conselh s'amassen damb Puigdemont entà parlar deth desplegament dera Lei d'Aran
10/04/2017
POLÍTICA
Eth Sindic d'Aran, Carlos Barrera, e eth sòn Vicesindic, Luis Carlos Medina, s'an amassat aguest maitin damb eth President dera Generalitat de Catalonha, Carles Puigdemont, entà parlar dera volontat deth Conselh Generau de desplegar en sòn conjunt era Lei d'Aran.
Pendent aguesta amassada, Barrera a demanat ath President era maxima sensibilitat dera Generalitat entà començar era negociacion deth nau modèl de finançament dera Val d'Aran que prevé aguesta Lei 1/2015 de regim especiau dera Val d’Aran.
Rebrembam que segontes es disposicions addicionaus dera Lei d'Aran, se preve un termini de 3 ans des dera sua aprobacion entà qu'eth Conselh e era Generalitat revisen amassa eth modèl de finançament dera Val d'Aran.
Ad aguesta reünion tanben a assistit era conselhèra de Governacion catalana, Meritxell Borràs, damb qui s'an tractat diuèrsi ahèrs restacadi entre eth Govèrn d’Aran e es departaments dera Generalitat de Catalonha.
IMATGES: CONSELH GENERAU D'ARAN
Pendent aguesta amassada, Barrera a demanat ath President era maxima sensibilitat dera Generalitat entà començar era negociacion deth nau modèl de finançament dera Val d'Aran que prevé aguesta Lei 1/2015 de regim especiau dera Val d’Aran.
Rebrembam que segontes es disposicions addicionaus dera Lei d'Aran, se preve un termini de 3 ans des dera sua aprobacion entà qu'eth Conselh e era Generalitat revisen amassa eth modèl de finançament dera Val d'Aran.
Ad aguesta reünion tanben a assistit era conselhèra de Governacion catalana, Meritxell Borràs, damb qui s'an tractat diuèrsi ahèrs restacadi entre eth Govèrn d’Aran e es departaments dera Generalitat de Catalonha.
IMATGES: CONSELH GENERAU D'ARAN
Clara Villar