Es mainatges e mainades aranesi de “Montanhetes” reivindiquen er emplec der aranés
22/08/2022
Damb eth lèma “Er aranés NON se TOQUE”, an liurat un manifèst damb es sues idèes e prepauses ara conselhèra de Coneishement, Naues Tecnologies e Innovacion deth Conselh Generau d’Aran, Angelina Cases
Es mainatges e mainades de “Montanhetes”, es colònies d’ostiu d’Era Pòrta d’Aran, son disposadi a mobilizar-se e deféner era sua lengua entà qu’aguesta contunhe d’èster era lengua d’emplec veïcular en totes es facetes dera sua vida. Ei per açò que jos eth lèma «Er aranés NON se TOQUE», an començat ua serie d’iniciatiues entara defensa der emplec dera sua lengua.
Entre d’autes, an hèt arribar ara conselhèra Angelina Cases, es sues revindicacions damb ua seria de prepauses e idèes a meter en practica entà hèr qu’er aranés sigue ua lengua viua. Ath delà, an elaborat samarretes e ua pancarta qu’an plaçat en Cap dera Vila de Vielha damb era legenda «Er aranés NON se TOQUE» entà conciénciar dera importància de deféner era lengua dera Val de Aran.
Entre d’autes, an hèt arribar ara conselhèra Angelina Cases, es sues revindicacions damb ua seria de prepauses e idèes a meter en practica entà hèr qu’er aranés sigue ua lengua viua. Ath delà, an elaborat samarretes e ua pancarta qu’an plaçat en Cap dera Vila de Vielha damb era legenda «Er aranés NON se TOQUE» entà conciénciar dera importància de deféner era lengua dera Val de Aran.
Era intencion des mainatges e mainades de “Montanhetes”, ei qu’eth Conselh Generau d’Aran mete en practica aguestes prepauses e que les hèsque arribar ath Govèrn dera Generalitat de Catalonha e ath Govèrn espanhòu.
Cau arrebrembar qu’a causa dera aprobacion dera Lei 8/2022 sus er emplec e aprenedissage des lengües oficiaus en ensenhament non universitari en Parlament de Catalonha, eth Conselh Generau d’Aran e es ajuntaments aranesi aprovèren ua declaracion institucionau presentada pera equipa de govèrn entà exigir ara Generalitat e ath Parlament de Catalonha era modificacion dera Lei 8/2022, referent ara reconeishença der aranés coma lengua pròpria d’Aran e oficiau en Catalonha e deth sòn caractèr coma lengua veïculara e d’aprenedissage ena escòla aranesa.
Cau arrebrembar qu’a causa dera aprobacion dera Lei 8/2022 sus er emplec e aprenedissage des lengües oficiaus en ensenhament non universitari en Parlament de Catalonha, eth Conselh Generau d’Aran e es ajuntaments aranesi aprovèren ua declaracion institucionau presentada pera equipa de govèrn entà exigir ara Generalitat e ath Parlament de Catalonha era modificacion dera Lei 8/2022, referent ara reconeishença der aranés coma lengua pròpria d’Aran e oficiau en Catalonha e deth sòn caractèr coma lengua veïculara e d’aprenedissage ena escòla aranesa.
Ena declaracion institucionau s’arrebrembe que, “era lengua pròpria d’Aran, er aranés, patís de hè temps ua situacion fòrça complèxa. Era incomprensibla e flagranta manca de finançament e de supòrts institucionaus qu’impossibiliten ath Conselh Generau d’Aran era implementacion de politiques lingüistiques e estratègies d’impacte sociau que n’esviten era desparicion, tot e èster ua lengua oficiau en Catalunya, hijudi ath retard inexplicable de mès de dotze ans en desplegament dera Lei der occitan, aranés en Aran, an plaçat ar aranés en ua situacion critica e d’extrema fragilitat.
HÒNT: ARAN NOTICIES WEB
HÒNT: ARAN NOTICIES WEB
Manu Moga