AUE TV
    1. AUE TV

    Es inscripcions tara XXVau edicion dera Corsa e Caminada des 15 pòbles ja son dubèrtes

    21/07/2022

    I a cinc modalitats diferents damb distàncies e recorreguts entà toti

    Un an mès, arribe era Corsa e Caminada des 15 pòbles, qu’aguest pròplèu dimenge, 28 d’agost, celèbre era sua XXVau edicion.


    Es inscripcions son dubèrtes entà totes aqueres persones interessades en realizar aguesta pròva e se poderàn hèr online a trauès dera plana web dera corsa enquias 23:59 ores deth 25 d’agost e tanben de forma presenciau en Banc Sabadell de Vielha enquias 14:00 ores deth madeish dia.


    I aurà tanben inscripcions presenciaus ena Plaça d’Aran eth diuendres, 26 d’agost, de 17:00 a 20:00 e eth dissabte, 27 d’agost, de 10:00 a 13:00 e de 17:00 a 20:00.


    Ei imprescindible qu’es inscrits menors de 18 ans presenten era autorizacion des sòns pairs o tutors legaus eth dia dera remassada de dorsaus entà poder participar.


    En aguest eveniment esportiu i a un totau de cinc modalitats diferents. Eth track de cada ua d’eres se pòt consultar ena web.


    HÒNT: CONSELH GENERAU D'ARAN 
    Manu Moga
    Tornar