Es carrèrs de Vielha s'amplissen de pannèus feministes en dia dera hemna

Damb motiu dera celebracion deth Dia Internacionau dera Hemna Trebalhadora, diuèrsi carrèrs deth cap-lòc aranés an apareishut aguest maitin plens de pannèus feministes.

Se tracte d’ua iniciativa anonima qu’a repartit, per tota Vielha, desenes de pannèus, hèts a man, damb donades des victimes dera violéncia masclista en Espanha pendent er an passat e d’auti messatges revolucionaris.

Un acte pioner ena Val d’Aran qu’aprofite era celebracion d’un dia tan remarcable entà dar visibilitat a un des problèmes sociaus mès grèus qu’afècten ar estat.