Es Agents de Miei Ambient deth Conselh Generau d'Aran realizen prètzhèts de proteccion d'espécies protegides

D’un costat, dissabte passat rescatèren ua agla comun herida en Unha e la transportèren entath Centre de Recuperacion de Fauna de Vallcalent, plaçat en Lhèida, entara sua recuperacion. 

D’un aute costat, aguest dijaus, dempús d’èster alertadi per ua trucada a emergéncies dera preséncia d’un arrianglo ena N-230, es nòsti Agents de Miei Ambient, damb ajuda dera Guardia Civil, capturèren ar exemplar e dempús d’estudiar eth sòn estat amassa damb es tecnics deth Departament de Territòri, Paisatge e Gestion Ambientau, a on comprovèren que non podie volar, procediren ath sòn traslat entath Centre de Vallcalent, damb era collaboracion des Agents Ruraus dera Generalitat. Pendent aguesta actuacion, compdèren tanben damb era collaboracion deth Parc de Fauna de Bossòst.


HÒNT: CONSELH GENERAU D'ARAN