Era vielha viuenda de mèstres de Garòs, a punt
23/09/2024
SOCIETAT
Garòs
Er Ajuntament de Naut Aran ultime era metuda en marcha deth sòn parc de viuenda de loguèr assequible. Aprovèc aguest ostiu es bases especifiques entà poder optar as viuendes que lo conformaràn, mentre qu’a previst qu’ua familha pogue entrar a víuer ena prumèra d’eres enguan madeish. Se tracte dera antiga viuenda des mèstres de Garòs, que compde damb dues abitacions e qu’aurà un prètz de 450 èuros ath mes, damb un contracte de loguèr d’ua durada de cinc ans.
Quauqui des requisits tà accedir ad aguesta viuenda son víuer en immòble tot er an e èster empadronat en municipi. De forma parallèla, eth consistòri dejà a licitat es òbres tà reformar un locau en Tredòs entà destinar-lo ath madeish usatge pendent eth 2024.
En tot açò, dejà trabalhe en un aute ambiciós projècte tà crear enquia quate viuendes ena plaça dera Pica de Salardú, damb eth prètzhèt d’incorporar-les en sòn parc de viuenda de loguèr assequible en 2026. Eth projècte se finance damb sòs que provien dera venda de parcèles plaçades, grana part d’eres, en entor de Baqueira.
HÒNT: DIARI SEGRE
Quauqui des requisits tà accedir ad aguesta viuenda son víuer en immòble tot er an e èster empadronat en municipi. De forma parallèla, eth consistòri dejà a licitat es òbres tà reformar un locau en Tredòs entà destinar-lo ath madeish usatge pendent eth 2024.
En tot açò, dejà trabalhe en un aute ambiciós projècte tà crear enquia quate viuendes ena plaça dera Pica de Salardú, damb eth prètzhèt d’incorporar-les en sòn parc de viuenda de loguèr assequible en 2026. Eth projècte se finance damb sòs que provien dera venda de parcèles plaçades, grana part d’eres, en entor de Baqueira.
HÒNT: DIARI SEGRE
Manu Moga