Era Val d'Aran se retròbe damb era nhèu

Era Val d’Aran s’a desvelhat aué pintada de color blanc dempús de çò qu’a estat ua net de precipitacion en forma de nhèu. 

Com se pòt veir, ambient iuernau dempús d’un mes de noveme damb temperatures per dessús de çò qu’ei normau entara epòca. 

Era prevision entà tot eth Pònt dera Puríssima contunharà damb era madeisha tonica: heired e nhèu. Tà deman, dissabte, en Vielha sonque s’arribarà as 5 grads de temperatura maxima, mentre qu’era minima se plaçarà enes 4 grads negatius. 

Ua estampa que rebrembe qu’en condicions normaus, Baqueira/Beret dejà aurie d’èster dubèrta e plia d’esquiaires. 

De moment, çò qu’ei segur ei qu’aguest Pònt dera Puríssima serà plan mès tranquil que d’auti ans.