Era Val d'Aran se place fòrça peth dessús dera mieja catalana en reciclatge
02/08/2017
Enes darrèri 4 ans a aumentat un 18% eth reciclatge, en tot pujar deth 29% ath 47% de 2016
SOCIETAT
Bones donades generaus de reciclatge ena Val d'Aran en donades der an 2016. Segontes es resultats qu'a publicat era Agència de Residus de Catalunya (ARC) era Val d'Aran barrèc eth darrèr exercici damb un 47,08%, mès de 9 punts peth dessus dera mieja catalana, plaçada en un 38,5%. Ua donada que demòstre era conscienciacion des aranesi sus eth besonh de reciclar, e que cada an aumente mès.
Era ARC a destacat qu'era melhora ena recuelhuda selectiva ena Val d'Aran, e especiauments era dera fraccion organica, a permetut passar en 4 ans d'un 29% de reciclatge a un 47%, en tot pujar un 18% en totau. D'aguesta manèra, era Val d'Aran ei plaçada en 4au lòc dera província de Lhèida, sonque peth darrèr deth Palhars Sobirà (54,9%), dera Segarra (50,8%) e er Alt Urgell (49,6%). Er objectiu europèu ei arténher eth 50% de reciclatge en 2020. Per tant, ara madeish i a tres comarques que ja obtien er objectiu, mentre qu'era Val d'Aran cada viatge i è mès apròp.
IMATGE: Ièrla de recuelhuda de lordères de Vielha (Conselh Generau d'Aran)
Era ARC a destacat qu'era melhora ena recuelhuda selectiva ena Val d'Aran, e especiauments era dera fraccion organica, a permetut passar en 4 ans d'un 29% de reciclatge a un 47%, en tot pujar un 18% en totau. D'aguesta manèra, era Val d'Aran ei plaçada en 4au lòc dera província de Lhèida, sonque peth darrèr deth Palhars Sobirà (54,9%), dera Segarra (50,8%) e er Alt Urgell (49,6%). Er objectiu europèu ei arténher eth 50% de reciclatge en 2020. Per tant, ara madeish i a tres comarques que ja obtien er objectiu, mentre qu'era Val d'Aran cada viatge i è mès apròp.
IMATGE: Ièrla de recuelhuda de lordères de Vielha (Conselh Generau d'Aran)
Manu Moga