Era Val d'Aran obtierà ua aucupacion ath tor deth 90% enquia acabar es hèstes de Nadau

Era Val d’Aran se premanís tà finalizar es hèstes de Nadau enes milhors condicions possibles. Dempús des intenses nheuades recebudes pendent es darrèri dies, eth sector servicis preve ua aucupacion otelèra peth dessús deth 90% des places existentes. Ua donada qu’assegure un des milhors inicis de sason deth darrèr decènni. Baqueira-Beret, se trape ath 100% de foncionament, en tot aufrir as esquiaires ua grana qualitat de nhèu enes diuèrsi sectors.

Era estacion, ara madeish, enregistre celhs de nhèu qu’oscillen entre es 150 e 200 centimètres e que permeterà disposar de tot eth complèxe en perfèctes condicions. Se tot contunhe segontes çò qu’ei previst, es donades finaus d’aguest periòde de Nadau seràn superiores as artenhudes er an passat.