Era Val D’Aran by UTMB® s'ajorne tà junhsèga de 2021

Eth sòni dera celebracion dera prumèra edicion dera Val d’Aran by UTMB®, qu'ère prevista entara prumèra dimenjada de junhsèga d’enguan, aurà de demorar un an mès. 

Era grèu pandèmia dera Covod-19 que patim a provocat er ajornament entath 2021 d’aguesta Ultra Trail Montblanc dera Val d’Aran. 

Ua decision qu’a prenut era organizacion, amassa damb eth Conselh Generau d’Aran e en coordinacion damb eth grop UTMB. Eth motiu, era  incompatibilitat dera execucion d’aguesta corsa internacionau damb es mesures de prevencion deth coronavirus.

Non i a vòls, mès dejà i a data entar ajornament d’aguesta Val d’Aran by UTMB: era dimenjada deth 9, 10 e 11 de junhsèga deth 2021.

En çò que tanh as inscripcions, es 3.700 provenentes de 71 païsi disparièrs que dejà s’auien formalizat, se sauvaràn entara pròplèu convocatòria o ben se retornarà eth pagament entad aqueri qu’atau ac volguen.