Era UE Bossòst pèrd per 0 gòls a 4 contra er Aurignac e se manten ena part mieja dera taula

Era UE Bossòst non podec arturar era tendéncia negatiua de resultats en Championnat Excellence, en tot pèrder eth sòn 4au partit consecutiu deuant der Aurignac per 0 gòls a 4. Ua derròta fòrça contundenta e que mòstre era superioritat qu'es francesi aueren en tot eth partit. Eth partit siguec marcat per diuèrses lesions e expulsions dera equipa locau, e non poderen en cap moment arturar eth jòc visitaire. 

Damb aguest resultat, era UE Bossòst a vist coma er Aurignac lis a empatat ena taula damb 45 punts, en tot compartir era 6au e 7au posicion dempús d'auer-se jogat dejà 21 jornades deth Championnat Excellence. As aranesi ara sonque lis quede acabar era sason damb un bon resultat, en tot finalizar damb es resultats dolenti artenhudi enquiara. Era pròplèu, e darrèra jornada deth campionat, era UE Bossòst recep era visita der Ent. Boulogne-Peguil 2. Eth partit aurà lòc en Camp Municipau de Bossòst eth pròplèu dissabte 20 de mai entàs 20.00.