Era UdL organize aguest ostiu un cors sus es aigües termaus des Pirinèus en Salardú

Era Aubèrja Era Garona de Salardú acuelherà deth 24 ath 28 de junhsèga eth cors “Es aigües termaus e mineromedicinaus des Pirenèus centraus: aplicacions terapeutiques”, qu'organize era Universitat de Lhèida en collaboracion damb eth Conselh Generau d’Aran, era Deputacion de Lhèida e er Institut d’Estudis Ilerdencs.

Se tracte d'ua formacion damb matricula dubèrta a toti es interessats e qu'a coma principau objectiu dar a conéisher es concèptes e estruments der origen, foncionament e aplicacions d'aguestes aigües. 

Pendent eth cors, se descriueràn es procèssi qu'intervien en origen e composicion fisicoquimica des aigües termaus e mineromedicinaus, atau coma era sua explotacion avienta entà assegurar en temps era preservacion deth recors e era constància des caracteristiques fisicoquimiques.

Ath delà, es matriculats visitaràn es balnearis de Les, Arties e Tredòs, entà poder conéisher er origen e foncionament deth sistèma idrotermau, caracteristiques des sues aigües e aplicacions terapeutiques.



Era matricula se pòt formalizar de forma presenciau en burèu dera Universitat d’Estiu Campus de Cappont (Bastissa Polivalenta C/Jaume II, 71), atau coma picant ath telefòn 973703390 o enviant un corrèu electronic a [email protected] en tot adjuntar eth document de matricula disponibla ena sua plana web.