Era recuelhuda selectiva de residus aumente un 8'3% en Aran
01/03/2017
Aguest positiu increment ei gràcies a qu’es vesins dera Val d’Aran comencen a préner consciéncia dera importància de reciclar e cuedar er entorn, especiauments en aguest territòri que viu, en gran part, gràcies as sòns paisatges e ara sua natura
SOCIETAT
Les
Era Val d’Aran a enregistrat un increment deth 8’29% ena recuelhuda selectiva de residus en 2016 pendent as donades de 2015. Aguest tipe de recuelhuda ei era que separe es lordères segontes se son envasi, papèr e carton, veire, materiaus non reciclables o residus organics. Ei aguesta darrèra categoria, era organica, era qu’a enregistrat un augment mès significatiu: un totau deth 40%.
Eth Conselh Generau d’Aran assegure qu’aguestes donades encara se pòden milhorar mès e ei per aquerò que trebalhen intensament damb naui projèctes entà poder incrementar, encara mès, era recuelhuda selectiva.
Clara Villar