Era pression espitalària ena Val d'Aran contunhe nauta damb 14 ingressadi

Era Val d’Aran seguís fòrça pendent dera evolucion des donades epidemiologiques dempús d’auer-se confirmat qu’era varianta britanica dera Covid-19 circule en parçan.

Quauquarren qu’explique perqué era tresau ondada deth Coronavirus no da trèva en Aran. Ua ondada que dejà a superat, en mès deth doble, eth nombre de casi positius ath dera prumèra e dusau amassa.

Es indicadors mèrquen ua linha pro establa enes naui contagis respècte ara setmana passada. Aué se n’an confirmadi 5 casi positius. Totun, çò que mès preocupe ei era pression espitalària, que non baishe.

Atau, enes darrères 24 ores s’a amiat a tèrme 1 alta ena planta COVID-19 der Espitau Val d’Aran, mès encara i a 14 persones ingressades, lèu eth doble qu’è dues setmanes. 

Era velocitat de propagacion deth virus, ei a díder, era RT, se place ara en 0,88 e en totau son 12 es persones qu’an morit a causa dera Covid-19 en Aran d’ençà er inici dera crisi sanitària.