Era pista de gèu deth Palai de Gèu de Vielha torne a èster operatiua

An estat fòrça mesi de trabalhs enes qu'er Ajuntament de Vielha e Mijaran a realizat ua dubertura progressiua des desparièrs servicis enquia, fin finau, poder daurir era pista de gèu.

Aguesta dimenjada, era Federació Catalana d'Espòrts d'Hivern a realizat un stage de tecnificacion damb un totau de 36 patinadors arribadi de diuèrsi lòcs d'Espanha a cargue de Lorenzo Magri, entrenador e coreògraf internacionau italian.

Actuaument era pista de gèu de Vielha ei era unica operatiua en Catalonha, en çò que refortilhe era importància dera sua dubertura entà qu'es patinadors agen un espaci fixe entà practicar es espòrts de gèu.

HÒNT: AJUNTAMENT VIELHA E MIJARAN