AUE TV
    1. AUE TV

    Era Ostaleria dera Val d'Aran se hig a Hostelería #PorElClima

    18/09/2024

    Hostelería #PorElClima ei era prumèra iniciativa adreçada a impulsar era descarbonizacion deth sector ostalèr. Ei eth resultat dera aliança de Coca Cola e Fundación Ecología y Desarrollo (ECODES). Entà amiar entà dauant aguesta iniciativa, Hostelería #PorElClima a somat esfòrci damb eth Grèmi d’Ostaleria de la Val d’Aran

    SOCIETAT
    Vielha
    A compdar dera sua metuda en marcha, mès de 12.600 establiments en tot eth territòri espanhòl s’an hijut ad aguesta plataforma, eth rèpte dera quau ei arribar a mès negòcis d’un sector que represente un 4,3% deth PIB nacionau.


    Coca Cola, ECODES, Grèmi d’Ostaleria dera Val d’Aran e eth Conselh Generau d’Aran an presentat, ena sedença institucionau en Vielha, Hostelería #PorElClima, ua iniciativa contra eth cambi climatic ara quau s’an aderit 50 establiments ostalèrs de pòbles de Aran: Arres, Arties, Bossòst, Es Bòrdes, Garòs, Les, Salardú e Vielha.


    Hostelería #PorElClima ei eth projècte que, desvolopat per ECODES e Coca Cola, impulse era accion contra eth cambi climatic en sector dera ostaleria en España. Damb aguestes naues adesions ja son mès de 12.600 es establiments aderits ara iniciativa.


    Josep Canut, conselhèr de Torisme e Promocion Economica, Comèrç e Mobilitat deth govèrn aranés, Jesús Osuna, gestor de Comunicación, Relaciones Exteriores y Sostenibilidad de Coca-Cola Europacific Partness Iberia, Silvia Tudela, tecnica d’Accion Climatica en ECODES (Fundación Ecología y Desarrollo) e Carles Sigüenza, president deth Grèmi d’Ostaleria dera Val d’Aran, an parlat sus era importància estratégica.


    HÒNT: HOSTELERIA #PORELCLIMA
    Tornar