Era ONG Agua de Coco se trape ena Val d'Aran, en tot realizar una gira damb era batucada Bloco Malagasy de Madagascar
13/08/2024
SOCIETAT
Vielha
Aguesta tarde, eth baile de Vielha e Mijaran, Juan Antonio Serrano e era còsso de Cultura de Vielha e Mijaran, Raquel Martinez, an recebut a ua representacion dera ONG Agua de Coco, entestada peth sòn president, Jose Luis Guirao. Ua entitat sense anim de lucre instaurada en 1994 que trabalhe entà milhorar era qualitat de vida dera gent de païsi praubi deth sud coma Cambòtja e Madagascar, en tot paliar era exclusion sociau. Ath delà, des deth 12 de junhsèga, Agua de Coco compde damb sedença ena Val d'Aran.
Era seccion femenina de batucada Bloco Malagasy, se trape de gira pera Val d'Aran, e aué tòque pes carrèrs de Vielha, en tot aufrir un gran espectacle musicau african.
Er Ajuntament de Vielha e Mijaran collabòre damb aguesti projèctes solidaris a trauès deth supòrt ara Escòla Garona, a on i a un escambi d'activitats entre es alumnes de primària aranesi e d'auti païsi, laguens deth projècte "Namana".
Volem felicitar ara ONG e a toti es collaboradors peth trabalh que realizen. En Ajuntament de Vielha e Mijaran traparàn era nòsta collaboracion entà ajudar a paliar es desigualtats existentes entre es païsi deth prumèr e tresau mon, e apropar es desparières identitats entre es societats.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga